IJUMAA SHOWBIZ!

Hotpot Family: “Tumerudi na damu changa, wakongwe hatuthaminiwi”
Baada ya kupotea kwenye game ya muziki wa kizazi kipya kwa takribani miaka kadhaa, familia iliyowahi kufanya vyema katika tasnia hiyo, Hotpot Family imerudi upya ikiwa na sura tofauti huku waasisi wake wakiwa na maneno kadhaa ya kuongea.

Akipiga stori na ShowBiz, kiongozi wa familia hiyo, Anselem Typhone Ngaiza ‘Soggy Dog’ alisema kwamba walichokifanya hivi sasa ni kuirudisha familia ikiwa katika muonekano mpya ili kuwapa nafasi chipukizi wanaoibuka waweze kuonekana.

“Unajua siku hizi chipukizi wanapewa nafasi kubwa kuliko sisi wakongwe, ndiyo maana tunakuwa kimya, siyo kwamba sina kazi, nina ngoma kibao ndani lakini sizitoi kwa sababu hiyo, sijajua ni kwanini wadau wanafanya hivyo. Ndiyo maana tumeamua kutoka na vijana.

“Mimi na Suma G kama wakongwe japo hatupewi heshima hiyo tumewapa nafasi kubwa wasanii wanaotoka kupitia Hotpot Family kwenye ngoma tuliyoiachia hivi karibuni ikiwa na jina la Wanamipango iliyofanyika Makavell Records,” alisema.

Kwa upende wake Suma G alisema na safu hii kwamba, Hotpot Family ilikuwa inajipanga na sasa ndiyo kipindi chao cha ‘kushaini’ kwakuwa wamerudi tofauti huku wakiwa na nguvu mpya kutoka kwa vichwa kama Another One, Young Page, Baby Baby, Chorus B, na Blast Salim.

//////////////////////////////////////////////////

Meseji za wasomaji kuhusu bifu la Mlela & Hemed
Kutokana na ufinyu wa nafasi leo imebidi tuwadondoshee baadhi ya meseji zilizotumwa na wasomaji wa ShowBiz kuhusiana na bifu la wasanii Yusuf Mlela na Hemed lililochukua nafasi kupitia baadhi ya vyombo vya habari hivi karibuni. Cheki na meseji hizo hpo chini.

Kadole wa Dar: Mimi nadhani anachokifanya Hemed ni kama ushamba , katika hali ya kawaida huwezi kujisifu mbele ya chombo cha habari kuwa umempiga fulani ngumi. Kwa hili nahisi hakuwa sawa.

Baba Calvin wa Kinondoni Dar: Hawa vijana walitakiwa kutumia busara zaidi kuamua suala lao kwani walinavyokashifiana kupitia vyombo vya habari wafahamu kwamba hata soko la filamu zao wanalichafua. Kama wanaweza bora wawe na wasemaji wao wenye uwezo wa kuchambua jambo la kuongea, ni aibu kwa tukio kama hilo, nathubutu kusema hakuna staa wala supa staa kati yao.

Saida wa Mwanza: Mimi nalipongeza gazeti la Ijumaa kupitia hapa ShowBiz kwa kuliona hilo. Ushauri wangu kwao nawataka kwanza watambue umuhimu wao kwenye jamii, pia watambue kuwa wanatazamwa na watu wengi, wakubwa kwa watoto, hivyo waache bifu zisizokuwa na maana.

Kulwa wa Temeke, Dar: Mlela na Hemed wote siyo mastaa, kati yenu hakuna anayemfikia Kanumba wala Ray. Badala ya kufanya kazi ili mzidi kupaa kisanii mnaanza kutuletea bifu zenu za ajabu, nyie bado ni chipukizi sana fanyeni kazi acheni hizo.

Mussa wa Kilwa Masoko: Hemed unajifanya unajulikana Afrika nzima kwa kipi? Acheni majigambo, nyie bado mna safari ndefu kwenye sanaa hamuwezi kuwafunika wakongwe kwa staili hiyo.

Kalunde wa ILALA, Dar: Nadhani hao jamaa hawajijui kama ni kioo cha jamii, nawashauri waende kwa madaktari kucheki vichwa vyao, kwa maana hadhi waliyonayo kama ni wazima kweli hawawezi kufanya ishu kama hizo za kurushiana maneno machafu kwenye vyombo vya habari.

Mama Idd wa Kigamboni, Dar: Nyie vijana wote ni kioo cha jamii, tumieni busara badala ya kuanza kutukanana ovyo. Hivi mnadhani watoto watajifunza nini kutoka kwenu? Acheni hizo.

Light wa Moro: Namshauri Mlela aachane na bifu kwani anashusha heshima yake katika jamii kwakuwa yuko juu na anajitahidi katika sanaa.

Manyama wa Musoma: Hao wote hakuna staa kati yao kwani tumeshajua hiyo ni janja yao tu ya kujitafutia umaarufu, zaidi wanataka kutujaribu akili zetu.

Paparazi Venance wa Dar: Kama mnafikiri kazi ya sanaa inaboreshwa kwa kuwa na bifu basi Kibongobongo mnajiharibia, hakuna jipya mnalolileta kwetu zaidi ya kutuzingua. Fanyeni kazi, acheni bifu zenu zisizo na malipo, hii Bongo msitake kujifananaisha na akina Kanye na 50 Cent nyie bado andagraundi. Kumbukeni ya Mr. Nice na Dudubaya walivyojimaliza kwa ugomvi wao.

/////////////////////////////////////////////////

Kina Diamond wajikusanya
Msanii Nassib Abdul a.k.a Diamond na wenzake wanaopiga mzigo kupitia lebo ya Sharobaro wameamua kujikusanya na kuunda umoja wenye jina hilo ili kwenda sambamba na makundi mengine yanayopiga mzigo pamoja katika game ya muzuki wa kizazi kipya, Gladness Mallya alicheki nao.

Akisema na ShowBiz kiongozi wa Sharobaro ambaye pia ni ‘mchawi’ wa Diamond kwa kumgongea ngoma za kijanja, Rahim Ramadhani a.k.a Bob Junior alitamka kwamba wameamua kufanya kazi pamoja ili kujiongezea nguvu zaidi tofauti na awali ambapo kila msanii alikua anasimama peke yake.

“Tuko wasanii nane, zamani kila mmoja alikuwa anasimama peke yake, tukaamua kuungana na kutengeneza ngoma yenye jina la Jiongezee ambayo itatutambulisha Sharobaro. Umoja wetu unaundwa na wasanii kama Diamond, Richard Mavoko, Ude Ude, Man Moe, Alinda, Nyoka, Malilo na mimi mwenyewe. Kwa pamoja tunaamini umoja ni nguvu,” alisema Bob Junior.

///////////////////////////////////////////////

Hatumwi mtoto dukani Mbeya, wana wa Uyole, Mafiati,Mwakibete, Mwanjelwa, Isanga, Nzovwe, Soko Matola, Ghana, Majengo na mitaa mingine ya jiji hilo, macho na fikra zao ni sehemu moja tu usiku wa leo. Ni ndani ya Ukumbi wa Mtenda Sunset.

Kunani? Jibu ni kwamba Mgombea Ubunge jimbo la Mbeya Mjini kwa tiketi ya Chama cha Demokrasia na Maendeleo (CHADEMA), Joseph Mbilinyi ‘Sugu’, leo anaweka kando gwanda na kuvaa jeans na baada ya hapo atasomeka katika shoo kali ya Hip Hop lakini atasindikizwa na wana wengine wa muziki wa kizazi kipya.

Sugu a.k.a Mr. II, atapiga mzigo mkali kuthibitisha ukongwe wake wa zaidi ya miaka 20 kwenye MIC, atasimama jukwaani zaidi ya saa nzima akikamua shoo ya kweli ya Hip Hop, lakini watakaoingia ukumbini pia wataburudika na Suleiman Msindi ‘Afande Sele’, Ferouz Mrisho Rehani, Abbas Hamis Kinzasa ’20 Percent’, Danny Msimamo, Fred Maliki ‘Mkoloni’, Gerald Mwanjoka ‘G Solo’, Mapacha ‘Maujanja’ na Isanga Family’.

Akifafanua kuhusu kupanda jukwaani na kuvua kombati ya CHADEMA, Sugu alisema nasi kuwa anafanya hivyo leo, ikiwa ni onesho maalum la kukusanya michango ya kampeni.

“Leo gwanda pembeni, navaa jeans na kushika MIC. Jukwaa moja na Afande, Ferouz, Mkoloni, 20 Percent, Msimamo, Isanga Family na wengine. Ni shoo maalum ya kuchangia kampeni. Tumegawa kadi maalum ambapo kuna maeneo zinanunuliwa kama njugu. Kila kadi tunauza shilingi 10,000.”

//////////////////////////////////////////////////

Jennifer Lopez Alamba dili ya Mil. 12 American Idols
Msanii wa R&B pande za Obama, Jennifer Lopez a.k.a J.Lo amelamba dili la kuwa mmoja wa majaji katika shindano la kutafuta vipaji vya kuimba, ‘American Idol’ litakalofanyika hivi karibuni.

Habari zilizoshuka mitandaoni zinasema kwamba J.Lo ataondoka na mkwanja kiasi cha dola milioni 12 kama mshahara wake kwa kazi hiyo kwa siku moja atakayokuwa katika meza ya majaji.

“Ilimchukua muda mrefu wa majadiliano na waandaaji mpaka akakubali kufanya kazi hiyo. Mbali na kuvuta mkwanja huo mrefu, mwanamuziki huyo atakaa katika safu ya majaji kwa mzunguko wa kwanza kisha nafasi yake itachukuliwa na Ellen Degeneres na Aerosmith Rocker.

Jaji pekee aliyefanikiwa kushika nafasi hiyo tangu mwaka jana ni Randy Jackson.

Compiled by mc george/ijumaa