WIKIENDA SHOWBIZ!

Huyu Miss Kinondoni ni muongo balaa!
Kujibu maswali inahitaji uelewa na utulivu. Papara siku zote hukata stimu na kumfanya mhusika ashindwe kuwasilisha jibu lake barabara, na hii ndiyo ilichukua nafasi kwenye fainali za Miss Kinondoni 2010, zilizochukua nafasi kwenye Ukumbi wa Mlimani City, Dar.

Katika segment ya kujibu maswali, mrembo namba 5, Careen Mbembo, aliamua kuudanga umma wa wahudhuriaji wa shoo ya Miss Kinondoni kwamba Serengeti ni mlima mrefu kuliko yote Afrika.

Careen, alisema hivyo wakati wa kujibu swali aliloulizwa na Miss Tanzania namba 2, 2006-07, Jokate Mwegelo ambalo lilimtaka aelezee Utalii wa Ndani.

Akionesha kuwa alikariri jibu, wakati akishusha ‘data’, Careen alisema kuwa angependa watu watembelee Mlima Serengeti ambao ni mrefu kuliko yote Afrika.
Usahihi; Careen alitaka kuzungumzia Mlima Kilimanjaro lakini akachanganya madawa. Alishindwa kutofautisha mlima na Hifadhi ya Taifa ya Serengeti.

Katika fainali hizo, warembo wengi warembo waliofanikiwa kufika Top 5, walikosa uwezo wa kujibu maswali na kuishia kubabaika, huku wengine waki-panic.

Haris Lushiku ndiye aliyefanikiwa kutwaa taji, hivyo kumrithi Lulu Ibrahim wa mwaka jana, Irene Henznan alitoka wa pili na Amisuu Umari alidaka nafasi ya tatu.
Edna Joseph na Careen walitinga Top 5. Taji la kipaji alichukua Haris, presentation na nidhamu alichukua Nancy Ero.

**********************************

Banana ‘ampa shavu’ Young D
DOGO anayejaribu kugonga swaga na wakubwa on Bongo Fleva industry, David ‘Young D’, huenda akanga’risha zaidi nyota yake mwaka huu baada ya kupata shavu la kugonga ‘kolabo’ na vocalist, Banana Zoro. Katika straight talks na Abby Cool & MC George over the weekend, wikiendi iliyopita, Banana ambaye ni bosi wa B– Band, alisema kuwa ameamua kuingia studio na dogo huyo kwa sababu amemuona na kumkubali kwamba ana kipaji cha hali ya juu.

Alisema: “Kila anayemfahamu Young D atakuwa anatambua uwezo wake ndiyo maana nimeamua kumpa ‘kolabo’, najua hakuna kitakachoharibika.” Ngoma hiyo ambayo inatarajiwa kuingia kitaani wiki hii, inaitwa She Loves me when She High na imesukwa na Lamar ndani ya Fishcrap.

******************************************

Bwana Misosi: Siyo siri, niliiba mashairi!
The Dancehall Reggae artist of the year, Joseph Rushahu ‘Bwana Misosi’ haoni hatari kuzungumza ukweli wake kwamba enzi hizo kabla haja claim to fame, aliwahi kuiba mashairi ya wimbo wa mchizi mmoja hivi akiamini yangemsaidia kutoka.

Akitamba kwa sasa na ngoma kali inayokwenda kwa jina la Mungu Yuko Bize, alisema na Abby Cool & MC George over the weekend, Alhamisi iliyopita kuwa alidhani mashairi hayo ya mshkaji ambaye hakumtaja jina yangemtoa.

“Kila mtu na njia ambazo amepita katika kutafuta mafanikio. Mimi nilijaribu kufanya hivyo kwa sababu nilikuwa natafuta kupiga hatua katika kazi yangu ingawa sikufanikiwa kutoka lakini nilipora mashairi ya mshkaji,” alisema Misosi akiwa ndani ya Le Grand Casino.

***********************************

Prof. Jay : katika bonge la tour kwa Obama
Legend wa Bongo Hip Hop, Joseph Haule ‘Prof. Jay’ yupo kwenye ziara ndefu kwa Obama a.k.a Marekani ambako atapiga ‘shoo’ kadhaa!

Jay a.k.a Wa Mitulinga, aliimbia Abby Cool & MC George over the weekend wiki iliyopita kuwa akiwa kwa Obama, mbali na kugonga shoo zenye afya, pia ataitangaza Bongo Fleva kimataifa.

Alisema, atatulia huko kwa majuma kadhaa ambako atasababisha burudani kwenye miji ya Houston, Texas, Boston na mingine kulingana na ratiba atakazopangiwa na wenyeji wake.

“Hii itakua ni ‘tour’ yangu ya kwanza US tangu nilipoanza ‘gemu’ miaka zaidi ya 15 iliyopita. Nimejipanga vizuri kuhakikisha nawapagawisha mashabiki wangu,” alisema Jay ambaye alinyanyuka kwa pipa Ijumaa iliyopita.
Story na Hemed Kisanda

*********************************

Jordin Sparks: Atoa penzi lake kwa wawili tu!
Ni mwanadada aliyevuma kwa sana mwaka jana ingawa hivi sasa kama anasikilizia ‘flani’. Anaitwa Jordin Sparks, na hapa anafunuliwa kwenye ‘sekta’ ya mapenzi kisha idadi ya wanaume aliodondoka nao dhambini inawekwa kweupe. Ebwana Dah!

Kwa mujibu wa ‘site’ ya kijanja inayodili na ishuz za nani katoka na nani huko Mbele, Jordin anatajwa kutoka na wanaume wawili tu.

Blake Lewis anatajwa ndiye wa kwanza kuminyana naye mwaka 2008 kabla ya kudonda kwa ‘mista’ wake, Steph Jones ambaye walichangamsha damu kwa mara ya kwanza mwaka 2008 kisha wakanogewa na kuchonga mzinga.

compiled by mc george/ijumaa wikienda