IJUMAA SHOWBIZ!

Jamie Foxx

Jamie Foxx Fataki aliyeonja penzi la Oprah
Kiumri anazidiwa na Oprah Winfrey kwa miaka 14 lakini hakuona soo kukwea on bed na mwanamama huyo anayeheshimika duniani ambaye pia ni roho ya kampeni za Rais Barack Obama katika Uchaguzi Mkuu wa Marekani mwaka 2008, Ebwana Dah!

Ni staa wa Hollywood, Jamie Foxx mbali na Oprah, pia ana rekodi ya kutoka na warembo mastaa kibao katika idadi ambayo Kibongo bongo anatosha kuitwa fataki.

Adrian Kelle anatajwa wa kwanza, hii ni kwa mujibu wa site inayodili na ishuz za mastaa wa mbele katika ile pointi ya nani kamrukia nani, lini na kwa staili gani.

Haielezwi ni lini Adrian alikuwa na Jamie na waliachanaje ila Debbie Allen anatajwa wa pili kisha Dolicia Bryant, Dominique Simone, Eva Pigford, Nikki Giavasis, Sofia Vergara, Stacy Kiebler, Vivica Fox ambao nao hawana maelezo ya wakati.

Mwaka 1996, alijikunja na Garcelle Nilon, 2002 hadi 2004 akabinuka kwa Iliana Fischer, 2003-06, akatuliza kasuku wake kwa Meagan Good, 2004-05, akafanya kweli na Leila Arcieri, 2004 pia alichangamsha damu na Victoria Schweizer.

Mwanamama Oprah alinasa kwenye tundu bovu mwaka 2005 kisha akaunga listi na Christina Milian mwaka huo huo, 2006, Jamie alijichuja kwa Fantasia Barrino kabla ya Lil’ Kim mwaka 2007 na Claudia Jordan mwaka huo huo. Ashley Scott alikwenda sawa na Jamie mwaka 2008 na mwaka huo huo akamcheki, Stacy Keibler.

Jina lake kamili ni Eric Marlon Bishop, Jamie Foxx ni a.k.a. Alizaliwa Desemba 13, 1967, Terrell, Texas, Marekani. Ana umri wa miaka 42. Tuambie, wiki ijayo tutoke na staa gni kupitia hapa Ebwana Dah? Simu zetu ni 0715 110 173.

**************************************

XXL Teen Xtra Awards 2010 Johmakini, Chid Benz, Ngwea, Fid Q, Belle 9, Marlaw, Chege vitani
Mastaa saba wenye alama A katika muziki wa kizazi kipya, wamepambanishwa katika kumsaka mkali zaidi ambaye atabeba tuzo katika category Msanii Bora wa Kiume (Male Artist of the Year).

Wakali hao, John Simon ‘Johmakini’, Rashid Makwilo ‘Chid Benz’, Albert Mangwea ‘Ngwea’, Fareed Kubanda ‘Fid Q’, Belle 9, Lawrence Malima ‘Marlaw’ na Said Juma ‘Chege’ wapo kundi M ambalo ndilo la Msanii Bora wa Kiume.

Kila msanii amepewa namba yake ya ushiriki, Johmakini (M1), Chid Benz (M2), Ngwea (M3), Belle 9 (M4), Marlaw (M5), Fid Q (M6) na Chege (M7) na ili kumpigia kura msanii unayempenda, unatakiwa uandike ujumbe katika simu ya mkononi (SMS), ukiandika neno TN unaacha nafasi, kisha unaandika namba ya msanii halafu unatuma kwenda namba 15551.

Tuzo hizo za Kituo cha Radio Clouds FM, zinatolewa kupitia kipindi cha XXL na zinajulikana kwa jina la XXL Teen Xtra Awards 2010 ambazo zimepambanisha category 16 yaani (A) Sport Star of the Year (B) TV King of the Year (C) TV Queen of the Year (D) Music Website of the Year (E) Hottest Dance Video of the Year (F) Sizzling Video of the Year (G) Video Producer of the Year.

Nyingine ni (H) Group of the Year (I) Stage & Live Performance of the Year (J) Brandy New Artist of the Year (K) Music Producer of the Year (L) Most Addictive Track of the Year (N) Female Artist of the Year (O) Lyricist of the Year na (P) Hottest Collabo of the Year.

compiled by Mc george/ijumaa newspaper