IJUMAA SHOWBIZ!

One Love Musoma leo
Baada ya kuangusha shoo ya ukweli pande za Mwanza mwishoni mwa wiki iliyopita, tamasha la kijanja, Fieta 2009 ambalo kaulimbiu yake mwaka huu ni ‘One Love’ tayari limeshatia maguu Musoma kwa kina ‘Mura’ ambapo shughuli kubwa itagongwa leo Ijumaa ndani ya ufukwe wa Peninsula kuanzia saa 8 mchana hadi usiku wa kutosha.

Mratibu wa ‘One Love’, Godfrey Kusaga alisema na safu hii kwamba, kama kawaida vichwa kibao vinavyofanya vyema kunako game ya Bongo Flava vitaangusha burudani ya nguvu huku vikitafutwa vipaji vitakavyomudu kupiga kazi ya utangazaji ndani ya kituo cha Clouds TV.

“Wasanii kama Baby Madaha (pichani) Chege, Mr Blue, Juma Nature, Marlaw, Profesa Jay, Ngwea, Maunda Zorro, Fid Q na wengine wengi watasimama jukwaani na kutoa burudani ya ukweli. Ni shughuli ambayo mwaka huu imelenga kuwapatanisha baadhi ya wasanii waliokuwa kwenye bifu za hapa na pale,” alisema Kusaga.

Mratibu huyo pia alisema kwamba zoezi hilo halitaishia Musoma pekee bali litaendelea katika viwanja vya Kambarage Shinyanga, Oktoba 24 kuanzia saa 4 asubuhi hadi 12 jioni ambapo kazi itakuwa ni ile ile kama ilivyokuwa Dodoma na Mwanza.

Baada ya Shinyanga Fiesta itaendelea Tanga, Dar es Salaam na kumalizia Zanzibar Novembar 7, mwaka huu.

***********************************************

Mh. Temba na ‘ngoma’ begani, Why?
Msomaji unaweza ukashangaa kwanini mchizi kutoka ndani ya kundi la TMK Wanaume family, Mh. Temba kabeba bunduki begani.

Ili kujua nini hasa kilichosababisha usikose kuicheki safu yako, Abby Cool & MC George Over The Weekend inayopatikana ndani ya gazeti ndugu na hili, Ijumaa Wekenda litokalo kila J’3.

****************************************

top 5 ngoma nzito
Yereeeee! Ijumaa Sexiest Bachelor ni ngumu na imefikia hatua nzito.
Kupitia hapa, juma lililopita tulitangaza kuweka wazi TOP 5 leo lakini kura zimeingia kwa fujo kiasi kwamba imewawia ugumu waratibu kuweza kuwaondoa wawili ili kubakiwa na watano bora.

Kwa mujibu wa waratibu, mastaa wanne wamelingana kura, hivyo wakaona kwamba kuwatoa wawili itakuwa siyo fea plei.

Kilichoamuliwa ni ngoma kuendelea kuwekwa kati mpaka hapo itakapoonekana ni nani ana kura chache za kumfanya atoke.

Mbali na hilo, waandaaji wa Ijumaa Sexiest Barcherol wanakaribisha wale wanaopenda kudhamini shindano hili kuwasiliana nao kwa namba 0715-110 173 na 0713-355 717 au wafike katika ofisi za gazeti hili, zilizopo Sinza, Bamaga.

Muhimu kwa msomaji ni kuendelea kutuma kura yako kwa kuandika ujumbe mfupi wa maneno (SMS). Unaandika neno IJUMAA unaacha nafasi, kisha unaandika namba ya mshiriki halafu unaituma kwenda namba 15551.

Mfano, Ijumaa 00 kisha unatum kwenda 15551.

COMPILED BY MC GEORGE