WIKIENDA SHOWBIZ!

Hee! Venus Williams kajikunja na huyu tu...
Ni safu yako ambayo kila wiki ipo vere bize kukujulisha ni staa yupi ametoka na mtu gani maarufu, leo tunaye mcheza tenisi wa kike nchini Marekani anayesumbua dunia, Venus Williams.

Kama unakumbuka vizuri siku kadhaa zilizopita tuliwahi kukutajia wanaume waliyowahi kujiachia na Serena ambaye ni mdogo wa, Venus tunayemcheki leo kupitia hapa. Kwa mujibu wa mtandao unaodili na ishuz za uhusiano wa mastaa wa kiwanja, Venus anahusishwa na mwanaume mmoja tu, Hank Kuehne ambaye alianza kuwa naye tangu mwaka 2007.

Wachambuzi wa tabia za watu wanaelezea kuwa pengine muda mwingi ambao Venus anautumia kufanya mazoezi ndiyo unaomsaidia kuwa mbali na wanaume, hivyo kutokuwa karibu na fikra za mapenzi.

Jina lake kamili ni Venus Ebone Starr Williams, ana umri wa miaka 29. Alizaliwa Juni 17, 1980, Lynwood, Califonia, Marekani, urefu wake ni futi 6.1. Ni msomi wa fashion design katika Chuo cha Art Institute cha Florida. Ndugu yake, Serena pia ni mcheza tenisi wa kiwango cha juu duniani.

****************

BBA 4: Eliza ampa Rene discipline!
The Most Beautiful Girl in Big Brother Revolution, Queen Elizabeth Gupta wiki iliyopita alimpa discipline Rene ambaye alijifanya binti mapozi kwa kumuamuru aamke asubuhi na kufanyakazi kama wengine.

Rene alijaribu kujieleza kwa Eliza kuwa siku hiyo alikuwa akijisikia vibaya na asingeweza kuamka lakini mtoto huyo kutoka Bongo alionesha jinsi Tizedi Mamaz walivyo na msimamo kwa kumkomalia mpaka akanyanyuka na kutii amri ya Head of House.

“Utakavyonichukulia ndiyo hivyo na ukitaka kuniita jina lolote sawa lakini mimi nasema amka ufanye usafi kama wenzako” alimalizia Eliza. Eliza yupo fiti na anatosheleza vigezo vya kuendelea kuwemo mjengoni na kushinda, hivyo Watanzania tuendelee kumpigia kura ili azidi kulipaisha taifa letu na kujishindia kitita cha shilingi milioni 260.

....

Eliza: Vipi denda la Kelvin na Paloma?
The Cutie-baby, Queen Elizabeth Gupta akiwa kama mkuu wa jumba kabla ya kumaliza jana (Jumapili), wiki iliyopita aliamua kuhoji ni kwanini Kelvin na Paloma walidendeka bila kuona nishai?

Hata hivyo, swali hilo lilikuwa gumu kujibiwa kwa kuwa washiriki hao walitenda mambo hayo yanayowahusu wakubwa peke yao wakiwa wamelewa.

Pamoja na hivyo, watu mbalimbali wanaofuatilia shindano hilo kwa njia ya televisheni wameponda tukio hilo kwa maelezo kuwa wawili hao hawaendani kwamba Paloma ni mkubwa mno kwa Kelvin. Wameeleza kuwa Paloma kufanya vitendo vya ngono na Kelvin ni kama kumbemenda a.k.a child abuse.

....

Madem wamchenjia Hannington!

Washiriki wa kike ndani ya Jumba la Big Brother Revolution, wamemjia juu Mganda Hannington kuwa ana tabia ya kuwachukulia wao kama vile wao house girls a.k.a Beki Tatu.

Mkanda ulikuwa hivi, wiki iliyopita Hannington aliingia jikoni na kuanza kuagiza kitu kimoja baada ya kingine huku akiwaambia warembo waliokuwepo kuwa wachangamke kumhudumia.

Kutokana na kauli hiyo, washiriki hao wa kike walimchenjia Mganda huyo kwa kumwambia kuwa anapaswa kufanyakazi zake mwenyewe bila kutuma kama ambavyo washiriki wengine wa kiume wanavyotekeleza majukumu yao.

Warembo hao walizidi kumnanga Hannington na kumweleza kuwa hapaswi kujiona bora kwa kuwa wote wana haki sawa kama washindani, kauli ambayo ilimnyong’onyesha Mganda huyo ambaye alidaka ndoo ya maji na kushika hamsini zake.

********************

Fiesta One Love: Ni gumzo Rock City
Mafanikio ya Fiesta 2009 pande za katikati ya nchi, Dodoma yanaonekana kama ni chamtoto jijini Mwanza a.k.a The Rocky City baada ya wakazi wake kubainika kuwa tayari wameshakuwa affected na slogan ya mwaka huu, One Love.

Nyeti za kijanja zinapasha kuwa hivi sasa ili mtu aonekane mjanja ndani ya Rocky City lazima akisalimiwa mambo ajibu One Love, akitoa jibu lingine anaonekana ni mtu fulani hivi vere kavu, yaani kachelewa ile mbaya.

Iko hivi, mizuka ya Fiesta One Love 2009 inaelekea Kanda ya Ziwa na wikiendi hii, yaani Oktoba 12 itakuwa ni full kusababisha kwenye Uwanja wa CCM Kirumba kuanzia saa 4 asubuhi hadi 12 jioni.

Ratiba inaonesha kuwa wakati Zoo wakikumbatiana na kupata bonge la burudani kwa ‘kushoo’ One Love, pande za Musoma wanajiandaa kwani Ufukwe wa Peninsula, utawaka moto Ijumaa ijayo (Oktoba 16).

Faida ya Fiesta pande hizo ni hii, kwenye kila shoo atatafutwa mtu mwenye kipaji anayeweza kula shavu la kuwa mtangazaji wa Clouds TV, pia underground watakaofanya vizuri wataletwa Dar kushoo One Love na wana ‘Darisalama’.

Wasanii kibao watakuwepo, Chegge wa Wanaume Family, Nature naye atawasha moto, Marlaw, Profesa Jay ataonyesha ukongwe wake katika game, Johmakini, Ngwea wote ndani na wengineo kibao.

COMPILED BY MC GEORGE