IJUMAA SHOWBIZ!

Busta Kudondoka Bongo. Fiesta yasogezwa mbele
Mchizi kutoka pande za kwa Obama, Trevor Tahiem Smith Jr a.k.a Busta Rhymes anatarajiwa kudondoka Bongo hivi karibuni kwa ajili ya shoo ya Fiesta ‘One Love’ itakayogongwa ndani ya Viwanja vya Posta, Kijitonyama, Dar es Salaam.

Mratibu wa Tamasha hilo, Godfrey Kusaga alisema na ShowBiz kwamba, shoo hiyo ambayo ilikuwa ifanyike kesho Jumamosi imesongezwa mbele hadi Novemba 21 mwaka huu na kwamba Busta atadondoka siku chache kabla ya ishu hiyo.

“Tumelazimika kusogeza shoo mbele kwasababu ya msiba wa Mzee wetu, Alex Kussaga ambaye alifariki dunia jana (Jumanne) na mazishi yanatarajiwa kufanyika Jumamosi (kesho). Tunachukua fursa hii kuwaomba radhi mashabiki wa Fiesta na wapenda burdani kwa ujumla kwakuwa msiba huja bila taarifa,” alisema Godfrey.

Mbali na Busta wakali wengine kutoka Bongo watakaosimama kunako steji ya Fiesta ni pamoja na Mwasiti, Prof. Jay, TMK Wanaume Family, Maunda Zorro, Lady Jaydee, Baby Madaha, Ngwea, Mr. Blue na wengine kibao.

********

50 Cent “Obama akiniita ntakwenda fasta”
Mwana Hip Hop aliyewahi kushuka Bongo na kupiga shoo ndani ya ukumbi wa Diamond Jubilee, Cults Jackson a.k.a 50 Cent ambaye ni Kiongozi wa Kundi la G-Unit amesema kuwa anatamani kama angekuwa Mshauri wa mambo ya Fedha wa Rais wa Marekani, Barack Obama.

Akipiga stori na mtandao mmoja hivi karibuni alipokuwa London akitangaza muvi yake mpya yenye jina la Dead Man Running, 50 Cent alisema kuwepo kwa uongozi wa Obama nchini kwao ni kitu kikubwa na ikitokea rais huyo akamwita basi atafanya hivyo mara moja.

Watu wengi duniani wanaamini kwamba 50 alikuwa akimsapoti Rais Bush lakini ukweli ni kuwa yeye anamkubali zaidi Obama na hakuwahi kufikiria juu ya uongozi wa Bush hata siku moja.

*********