Ijumaa Showbiz!

YUSUF MLELA: ushindi wake ni gumzo kitaani
Stori zote kitaani zimesimama na gumzo lililopo ni kuhusu handsome boy anayesababisha ndani ya Movies Industry ndani ya Bongo, Yusuf Mlela aliyetwaa Taji la Ijumaa Sexiest Bachelor 2009/2010 wikiendi iliyopita ndani ya Ukumbi wa TCC Chang’ombe, jijini Dar es Salaam.

Si kwenye daladala, maofisini wala kambi za filamu, ishu inayopewa nafasi kubwa ni kuhusu ushindi wa Mlela, huku wengi wakisema kwamba, msela alistahili kushinda.

“Ameshinda kihahali kabisa, kwanza bwa’mdogo ana sauti ya kiume, halafu anajua kupanga maneno, kubwa kuliko yote anajua sana kuigiza...mi naona hakuna upendeleo, alistahili kuwa mshindi,” Careen, mfanyakazi wa Salon moja ya kike, Afika Sana jijini Dar alisema katika mahojiano maalum na Showbiz.

Mbali na Careen, mashabiki waliokuwepo ukumbini wakati Mlela alipotangazwa ndiye kijana mwenye mvuto zaidi wa kimahaba kwa mwaka huu, ukumbi ulilipuka kwa kelele wakishangilia ushindi wake.

“Kinachomsaidia jamaa ni mazoezi, ana mwili mzuri sana, kiasi kwamba kila nguo anayovaa inamtoa chicha lakini hata uwezo wake kwenye game nao unampaisha,” shabiki mmoja wa Mlela alisema.

Akizungumza kwa furaha mara baada ya kuibuka mshindi, mshkaji alisema: “Nimefurahi sana kuwa mshindi, naamini wote tulioingia fainali tulikuwa watanashati, lakini siku zote kwenye mashindano lazima mwisho wa siku mmoja ashinde.

“Mwenyewe najikubali kuwa navutia, lakini bila mashabiki ambao walikuwa wananipigia kura kwa wingi, basi wangemchagua mwingine, lakini kwakuwa wananipenda mimi na kazi yangu, wameona utanashati wangu, wakanichagua.

“Napenda kuwaambia kwamba nimefurahi sana na sitawaangusha, nitaulinda utanashati wangu ili ikiwezekana hili taji libaki kwangu kwa miaka mitatu.”

Staa huyo alisema kwamba, akili yake yote kwa sasa ameielekeza katika kufanya kazi kwa nguvu na tija zaidi ili aweze kujulikana Kimataifa na maana ya tuzo yake ionekane.

“Nimeingia kwenye mapambano sasa, nataka kuongeza ujuzi wangu...siwezi kuwaangusha wapenzi wangu na nitafanya hivyo kama zawadi kwao. Mashabiki wangu wasijali, nitafanya mambo makubwa zaidi,” alisema Mlela.

Yusuf Mlela alitawazwa kuwa Ijumaa Sexiest Bachelor 2009/2010 katika fainali kubwa iliyomkutanisha na handsome boyz Steven Kanumba, Hemed Suleiman na Lawrance Malima a.k.a Marlow.

maelezo ya picha

1. Dotnatha akifungua bahasha yenye jina la mshindi.
2. Sugu akimkabidhi Yusuf Mlela tuzo
3. Mlela alitokwa na machozi ya furaha
4. Meneja Mkuu wa Global Publishers, Abdallah Mrisho akimkabidhi Mlela cheti cha uthibitisho.
5.Baadhi ya mashabiki wakimpongeza Mlela kwa ushindi
6. Mkurugenzi wa ASET, Asha Baraka akiangalia cheti cha uthibitisho kabla hajamkabidhi mwakilishi wa Hemed Suleiman, Janeth Mero. Kulia kwake ni Mhariri msaidizi wa gazeti hili, Joseph Shaluwa.

**************************

Twanga ndani ya Landmark leo

Bendi ‘5 Star’ Bongo, African Star International ‘Twanga Pepeta’, leo watashusha burudani maalum ya ‘kufa mtu’ kwa ajili ya sikukuu ya Krismasi ndani ya Ukumbi wa Landmark Ubungo, jijini Dar.

Ishu nzima itakuwa hivi; Mchana kutakuwa na onesho la watoto, linalokwenda kwa jina la ‘X- Mass Toto Party’ kwa kiingilio cha buku moja (1,000) tu huku wakubwa wakisugua visigino kwa buku tatu (3,000) tu.

Usiku, jamaa hao watamwaga maraha kiwanjani hapo night nzima kwa kiingilio cha buku saba (7000) tu.

Boxing day (kesho), Twanga watakuwa ndani ya kiwanja cha nyumbani katika Ukumbi wa Mango Garden, Kinondoni ambapo Jumapili kama kawa watakuwa Leaders Club kwenye bonanza mchana na usiku ni ‘full kusababisha’ TCC Club, Chang’ombe.

Twanga wameapa kuwapa fansi wake burudani ya kihistoria ambayo itadumu vichwani mwao na kuiona krismasi hii tofauti kabisa na zingine zilizotangulia.
compiled by mc george