KANUMBA, RAY WAJA NA MOJA KALI!

Ni muda mrefu umepita kila mmoja akiwa busy na kutengeneza sinema yake. Katika hilo, Ray alifungua njia kwa kuanzisha RJ Production kama kampuni inayotengeneza filamu zake. Kampuni yake imeonesha kufanikiwa kwa kiwango kikubwa, hasa katika filamu ambazo amemshirikisha mwana dada machachari, Irene Uwoya ambaye kumbukumbu zake zingali fresh kwenye hisia za mashabiki wa filamu za Bongo pale alipocheza filamu ya Oprah na kuwachanganya Ray na Kanumba vilivyo. Kwa upande wake Kanumba, naye amekuwa busy na kampuni yake Kanumba The Great Films ambako ameonesha mafanikio katika filamu zake za Uncle JJ.

Safari hii wanakuja kwa pamoja na Off Side - Hidden Truth. Mimi na wewe bado hatujui kilichomo humo, lakini kama ulishaona Oprah, filamu iliyozua mjadala mkubwa wa kimaadili, bila shaka unategemea makubwa zaidi katika hii, hasa vinapokutana vichwa viwili...Ray, Kanumba na kati mamaa Ndikumana, Irine!