Ngoma Africa Band na nyimbo mpya za miaka 50 ya uhuru

 BENDI maarufu ya muziki wa dansi barani Ulaya, "Ngoma Africa Band" a.k.a FFU, yenye makao yake nchini Ujerumani, imeachia hewani CD mpya yenye nyimbo za miaka 50 ya Uhuru. Nyimbo zilizomo katika CD hiyo ni utunzi na uimbaji wa kiongozi wa bendi hiyo, Kamanda Ras Makunja akiimba kwa kushirikiana na Chris-B na mpiga solo wa kikosi hicho.

Habari kutoka katika bendi hiyo ni kwamba nyimbo hizo zimetua pia katika blog mbalimbali za hapa Bongo pamoja na vituo vya Redio vya Deutche Welle mjini Bonn, Radio VOA ya Washington na Radio Free Africa Mwanza. Nyimbo hizo zimepokelewa vyema na zinaweza kutoa burudani kwa wananchi katika shamra shamra za miaka 50 ya uhuru.

Nyimbo hizo mbili ni:
(1) Miaka 50 Uhuru (rhumba)
(2) 50 Uhuru Shangwe
Nyimbo hizo pia zinasikika kupitia www.ngoma-africa.com